Les mots surlignés font l'objet d'une note
1Monseigneur, le seigneur Ludovic de Birago m’a escript
2une lectre, laquelle vous verrez s’il vous plaict comme
3il me mande que despuis que suis ycy tout pource
4que je en meine la crue de la compaignye de monsieur
5de Ballagny et pour faire icelle, j’ay esté au
6Monteil Eymard et par tout le Vellentinoys, où j’ay
7enrollé beau coupt de soldartz et aussy du cousté
8du Lyonnois et Vivarès, qui s’atendent que je les
9mande quérir. Pour ce, je vous suplieray monseigneur,
10favouriser de tant mondit sieur de Ballagny et moy
11comme vous m’avez tousiours promis. Ce présentant
12l’ocasion de m’en donner quelque village bel
13qu’il vous plairra, pour asembler tant seullement
14ladite crue, vous asseurant de ny demeré pas une
15heure davantaige que ce que pourtera vostre commandement
16aussy, qu’ayant asemblé lesdits soldartz, je les veux
17faire marcher en la plus grand diligence que faire
18ce pourra. Monsieur de La Terrasse vous dira comme je suis
19en grand peine sans vostre ayde, laquelle je vous suplie
20nous donner et me commander ce qu’il vous plairra que
21je face pour vostre service, vous obéyr très humblement
22et d’aussy bon cueur que je prie Nostre Seigneur
23Monseigneur, qui vous doinct en parffaicte sainté, longue
24et hereuse vye. De Vallence, ce XVe jullet
25Votre très humble et très hobeissant
26Serviteur
27J Bernard
28